Peşəkar bərbər saçları düzgün yumağın sirlərini paylaşıb bu üsulla saçlar daha təmiz, parlaq və uzun müddət yağsız qalır.
Lent.az bu üsulu təqdim edir:
Əksər insanlar başlarını səhv şəkildə yuyurlar. Duşdan sonra təmizlik hissi xoş olsa da, yanlış yuma üsulu səbəbindən saçlar tez kirlənir, ağır və solğun görünür. Kinqston-apon-Təmsdən olan peşəkar bərbər Meri, saç baxımı ilə bağlı tövsiyələrini TikTok-da paylaşır. Onun sözlərinə görə, başını müntəzəm yuyan insanlar belə, saçların alt hissəsini kifayət qədər təmizləmirlər.
Meri bildirir: “Saçların alt hissəsinin kirlənmiş və ağır görünməsinin səbəbi sadədir siz onu düzgün yumaqdasınız".
Yalnız başın yuxarı hissəsini deyil, bütün saçları yuyun
Əksər insanlar diqqəti yalnız başın üst hissəsinə yönəldirlər və saçların aşağı hissəsini unudurlar. Meri məsləhət görür: “Bir az şampun götürüb başın üst hissəsinə, sonra isə ayrıca bir qədərini ense hissəsinə çəkin. Şampunu baş dərisinə yaxşıca masaj edin, lazım gələrsə, saçları iynə və ya klipslə bərkidin".
Şampunu iki dəfə tətbiq edin
Bərbərin sözlərinə görə, ilk yuma çirki, yağı və stil vasitələrinin qalıqlarını aradan qaldırır, ikinci isə daha dərin təmizləmə effekti verir.
“İlk yuma zamanı şampun zəif köpüklənirsə bu normaldır. O, çirk ilə "mübarizə aparır". İkinci dəfə isə köpük daha çox olacaq və saçlar tam təmizlənəcək", - deyə Meri izah edir.
Yaxalamağı diqqətlə edin
Ekspert xatırladır ki, hər dəfə şampunu diqqətlə yumaq lazımdır. Əvvəl başın üst hissəsindən, sonra isə aşağıdan. Əks halda, qalıqlar saçda toplanaraq onu kirli və ağır göstərir. Saçları hər dəfə iki mərhələdə yuyun və yalnız köklərə deyil, bütün uzunluğa diqqət yetirin. Bu üsul saçlara yüngüllük, parıltı və uzunmüddətli təmizlik bəxş edəcək.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
