“Gəmidə səyahət” filminin təqdimatı keçirilib

“Qoliaf group” daha bir layihəyə imza atdı

İyunun 16-da Bakıda Opera və Balet teatrında “Gəmidə səyahət” adlı komediya filminin təqdimatını keçirilib. Lent.az-ın məlumatına görə, film “Qoliaf group” tərəfindən təqdim olunub.

Filmdə aktorlar Novruz Qartal, Naibə Allahverdiyeva, Elməddin Cəfərov, Elnur Hüseynov, Tünzalə Əliyeva, Anar Heybətov, “Şeron” qrupunun üzvləri – Ulvi, Sənan, Məlik, “Xalq ulduzu” Xəlil, Pişik Günel, Şeyla və digərləri rol alıblar.

Filmin premyerasında Novruz Qartal, Naibə Allahverdiyeva, Elməddin Cəfərov, Anar Heybətov,“Xalq ulduzu” Xəlil iştirak edib.

“Gəmidə səyahət”in rejissoru Namiq Zülfüqarov, ssenari müəllifi isə Elman Telmanoğlu və Namiq Zülfüqarovdur.

Film gəmidə səyahətə çıxan insanların başına gələn məzəli əhvalatlardan bəhs edir.
Qeyd edək “Qoliaf group” 7 ay öncə fəaliyyətə başlayıb. “Qoliaf group”Türkiyənin tanınmış müğənnisi Fərhad Göçər və Azəri Günelin Bakıda konsertini təşkil edib.

Lalə Yusifqızı