Bu gün 2000-ci illərdə böyüyənlərin əksəriyyətinin izlədiyi altı serialdan bəhs edirik. Gənclik illərimizin kino arxivlərini açırıq, ona görə də nostalji notları olan bir axşama hazır olun.
Lent.az 2000-ci illərdə doğulanların sevimli seriallarını təqdim edir.
Smollvill (2001)
2000-ci illərin əvvəlində kult statusu qazanmış seriallardan biri olan “Smollvill” Klark Kentin Supermenə çevrilməzdən əvvəlki gənclik illərindən bəhs edir. O, hələ öz supergücünü yeni kəşf etməyə başlayan sadə bir oğlandır. Süjetdə ilk sevgi, övladlığa götürən valideynlərlə münasibətlər, öz köklərini axtarma mövzularına geniş yer verilir.
Serial elmi fantastika, romantika və həyəcanı birləşdirərək bütün dünyada tamaşaçıların qəlbini fəth edən maraqlı bir hekayə təqdim edir.
OC (2003)
Serialın əsasını milyonlarla yeniyetmənin qarşılaşdığı real problemlərin işıqlandırılması təşkil edir. Buraya psixoaktiv maddələrdən sui-istifadə, erkən hamiləlik, ailə laqeydliyi və yeniyetmələr üçün ədliyyə sistemi ilə bağlı məsələlər daxildir.
Hadisələr zəngin ailələrin dəbdəbəli həyatı ilə gənc personajların dərin daxili dramlarının ziddiyyət təşkil etdiyi Qlamur Oranc dairəsində cərəyan edir və nəticədə emosional, dolğun bir hekayə ortaya çıxır.
Veronika Mars (2004): Orta məktəbdə sirr
Bu qız sadəcə şagird deyildi. Keçmiş polis rəisinin ailəsində böyüdüyü üçün öz araşdırma bacarıqlarından istifadə edərək məktəbindəki qayda pozuntularını aşkar edir və bütün sirləri üzə çıxarırdı.
Serialda polis hekayələri, tipik yeniyetmə problemləri və sevgi dramları bir araya gəlir. Dialoqlar olduqca uğurludur - sürətli, hazırcavab və pop-mədəniyyət istinadları ilə zəngindir.
Skins (2007)
2007-ci ildə əsl mədəni inqilaba çevrilmiş Britaniya serialı. Bu ekran işi yeniyetmə dramlarını olduğu kimi, heç bir bəzəksiz təqdim edir. Dialoqlar xaotik, açıq, ağrılı və bəzən etik sərhədləri aşan formada qurulub.
Serial Bristolda kollecdə oxuyan bir qrup dostdan bəhs edir. Onlar psixoloji pozuntular, seksual kimlik, zorakılıq və ailə problemləri ilə üzləşirlər. Adətən hər seriya bir konkret personaja həsr olunur ki, bu da tamaşaçıya qəhrəmanın daxili dünyasına nəzər salmağa və ona empati qurmağa imkan verir.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
