Hollivudun məşhur xanımlarının GÖZƏLLİK SİRLƏRİ

Onlar gözəllikləri ilə hər zaman diqqət mərkəzindədilər. Məşhur Hollivud ulduzlarının gözəllik sirləri hər kəsin marağına səbəb olub.

Lent.az dünyaca məşhur qadınların gözəllik sirlərini təqdim edir:

Sofi Loren

Sofi Loren gözəlliyi ilə bütün dünyada tanınıb. O, hər gün yeməyinə ən azı 2 xörək qaşığı zeytun yağı əlavə edərdi. Dərisinin parlaq görünməsi üçün də davamlı olaraq zeytun yağından istifadə edirdi.

Merlin Monro

Kameralarda Monronun dərisi parlayırdı. Aktrisa dodaqlarına və üzünə vazelin çəkirdi. Buindan əlavə, o 5 fərqli dodaq boyasından istifadə edirdi.

Odri Hepbern

Odri üzünə təzə yunan qatığı sürtərdi. Yarım saat gözlədikdən sonra üzünü yuyardı. C vitamini və antioksidanları çox olan kartof yeməyi də sevirdi.

İnqrid Berqman

Berqman tamamilə təbii bir görünüş seçir və hətta film sənayesi üçün çox vacib olan saçlarını, qaşlarını və adını dəyişməkdən imtina etmişdi. İnqrid alnının daha böyük olması üçün saçının önündən bir qədər qırxmışdı.