Elnarə Abdullayeva Qazaxıstana gedir

Muğam ifaçısı Elnarə Abdullayeva bu gün Bakını tərk edir. Lent.az-a açıqlama verən xanəndə bildirib ki, səfəri Qazaxıstanadır: “Bir neçə gün bundan öncə Azərbaycanın bölgələrində konsert proqramı ilə çıxış etdim. İndi isə Qazaxıstana yola düşürəm. Həmin ölkəyə yaşamağa yox, yaradıcılıq işimlə bağlı gedirəm. Təxminən bir günə paytaxta qayıdacam. Yeni mahnılar yazdırmışam. Onların tam hazır olmasını gözləyirəm. İnşallah yaxın müddətdə yeni işlərim barədə mətbuata açıqlama verəcəm”.