Ac qarına bal ilə su içmək zərərlidir? - Alimlər AÇIQLADI
29 may 2024 16:55 (UTC +04:00)

Ac qarına bal ilə su içmək zərərlidir? - Alimlər AÇIQLADI

Bir çox həkimlər səhərlər ballı su içməyin həzm və ümumi sağlamlıq üçün faydalı olduğunu iddia edirlər. Ancaq bu iddianı dəstəkləmək üçün kifayət qədər elmi araşdırma yoxdur. 

Lent.az xarici mətbuata istinadən xəbər verir ki, mütəxəssislər qadınların gündə təxminən 2,7 litr (təxminən 11,5 stəkan), kişilərin isə təxminən 3,6 litr (15,5 stəkan) su içməsini tövsiyə edirlər. Dehidrasiya hər kəsə təsir edə bilər, lakin körpələr, kiçik uşaqlar və açıq havada işləyən və ya oynayan insanlar risk altındadır. Yaşla bədəndəki mayenin səviyyəsi azalır və susuzluq hissi küt olur. Bu problem şəkərli diabet və demans kimi xroniki xəstəliklər, həmçinin müəyyən dərmanlar ilə daha da güclənir. Buna görə də yaşlı insanların su balansına nəzarət etməsi vacibdir.

Balın özü də inanılmaz dərəcədə sağlam bir məhsuldur. Bu ürək xəstəliyi riskini azaltmağa kömək edən zəngin antioksidant mənbəyidir. Bəzi tədqiqatlar böyüklərin gündə 70-95 qram bal istehlak etməsini tövsiyə edir.

Bu təbii məhsul maddələr mübadiləsini normallaşdırmağa və immunitet sistemini gücləndirməyə kömək edir. Bal həm də müalicəvi xüsusiyyətlərə malikdir, yaraların, kəsiklərin və yanıqların sağalmasını sürətləndirir.

Bal mədə-bağırsaq traktına faydalıdır, çünki o, mədə selikli qişasını qoruyur, bu da onu mədə xorası və qastroenteritlərə qarşı təsirli edir. Balın tərkibində fol turşusu (B9), vitamin B1, B2, B6 vitaminləri, karotin (provitamin A), askorbin turşusu (vitamin C), E, PP, K, H vitaminləri və bir çox başqa vitaminlər və mikroelementlər var.

Yuxarıda göstərilənlərin hamısını nəzərə alaraq belə nəticəyə gələ bilərik ki, bal ilə su inanılmaz dərəcədə faydalıdır və bir sıra xəstəliklərin qarşısını ala bilər. Balın müalicəvi xüsusiyyətlərini azaltmamaq üçün qaynar suya əlavə edilməməsi vacibdir.

1 2 3 4 5 İDMAN XƏBƏRLƏRİ
# 2274
avatar

Arzu Qurbanlı

Oxşar yazılar