11 yaş uşağın ayağında qırılıb qalan iynə 14 gün sonra aşkarlandı.
Lent.az xəbər verir ki, bu barədə TƏBİB-dən məlumat verilib.
Bildirilib ki, ayağında davamlı ağrı və şişkinlik şikayətləri ilə xəstəxanaya gətirilən 11 yaşlı uşağın rentgen müayinəsi zamanı sağ ayağının pəncə nahiyəsində yad cisim aşkarlanıb. Məlum olub ki, bu, 14 gün əvvəl batmış iynə parçasıdır.
TƏBİB-in tabeliyində fəaliyyət göstərən Binəqədi Tibb Mərkəzində müayinədən keçən 2014-cü il təvəllüdlü uşaq (qadın cinsli) cərrahi əməliyyata məruz qalıb və pəncə nahiyəsindəki yad cisim – iynə parçası təhlükəsiz şəkildə xaric edilib.
Məlumat üçün bildirək ki, bu cür hallar kifayət qədər təhlükəli hesab edilir. İynə, iynə qalığı və ya digər yad cisimlər xüsusilə ayaqaltı bölgədə lokalizasiya olduqda, hərəkətlə daha da dərinləşə və ətraf toxumalarda ciddi fəsadlara yol aça bilər.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
