Kefiri hər gün içməyin 5 ƏSAS SƏBƏBİ

Kefirin qatıqdan daha maye konsistensiyası var, buna görə də onu tez-tez içki kimi istifadə edirlər.

Lent.az kefirin faydalarını sizə təqdim edir:

Kefir südün mayalanması nəticəsində hazırlanan fermentasiya olunmuş süd məhsuludur. Kefir probiotiklər və vacib qida maddələri ilə zəngindir, bu isə onun çoxsaylı faydalarını – bağırsaq sağlamlığından tutmuş əzələlərin qorunmasına qədər – təmin edir. Kefir qatıqdan daha yaxşıdır, üstəlik, mətbəxdə çox yönlü istifadə olunur.

Kefir nədir?
Kefir, südə canlı maya və bakteriya koloniyalarının əlavə olunması və mayalanması yolu ilə hazırlanan fermentasiya olunmuş süd içkisidir. Nəticədə süd qatıqdan bir qədər maye konsistensiyaya malik olur və digər fermentasiya olunmuş məhsullar kimi bir az turş dad alır. Kefiri tez-tez təmiz halda içirlər, lakin ona şirinləşdiricilər və ya giləmeyvə, məsələn, qaragilə və çiyələk əlavə etmək olar.

Hər gün kefir içsəniz nə baş verər?
Bağırsaq sağlamlığını yaxşılaşdırır
Kefir içmək bağırsaq mikrobiomunu – yəni bağırsaqdakı bakteriyaları – dəstəkləmək üçün ən yaxşı üsullardan biridir. Bu içki probiotiklər və ya "yaxşı" bakteriyalarla zəngindir, bu bakteriyalar zərərli mikrobları sıxışdıraraq mikrobiom balansını qoruyur.

"Dəqiq desək, kefir adi qatıqdan daha çox – 30-dan çox müxtəlif probiotik ştammlar ehtiva edir". Onun sözlərinə görə, bu canlı mədəniyyətlər həzmi yaxşılaşdırır, qarında köpü azaldır və xüsusilə antibiotik qəbulundan və ya mədə-bağırsaq pozğunluqlarından sonra həzmin nizamlılığını dəstəkləyir.

İltihabı azaldır
Kefirdəki probiotiklər bağırsağı dəstəklədiyi üçün həmçinin iltihabı da azaldır. DeRobertis bildirir ki, bu, probiotiklərin bağırsaqdakı hiperaktiv immun siqnallarını sakitləşdirmək və bədənin iltihab reaksiyasını tənzimləmək qabiliyyəti ilə bağlıdır. Bu, yüngül mədə-bağırsaq pozğunluqları daxil olmaqla, iltihablı halların yüngülləşdirilməsində faydalı ola bilər.

Sümük sağlamlığını qoruyur
Kefir kalsium, maqnezium və K2 vitamini, eləcə də zənginləşdirilmiş variantlarda D vitamini ilə zəngindir, – deyə DeRobertis qeyd edir. Bu qida maddələri yaşla birlikdə azalan sümük möhkəmliyi və sıxlığı üçün vacibdir. Kalsium və D vitamini birlikdə işləyərək sümüklərin mənimsənilməsini və minerallaşmasını yaxşılaşdırır, K2 isə kalsiumu sümüklərə yönəltməyə kömək edir.

İmmunitet sistemini dəstəkləyir
DeRobertis qeyd edir ki, kefirdəki probiotiklər həmçinin immunitet sistemini gücləndirir. Onun sözlərinə görə, onlar bədənin əsas immun fəaliyyəti başlayan bağırsaqdakı immun toxumalarını stimullaşdırır.

"Kefir B qrupu vitaminləri və sink ehtiva edir ki, bu da immun reaksiyanı gücləndirməyə və gündəlik infeksiyalara qarşı davamlılığı artırmağa kömək edir", – izah edir DeRobertis.

Əzələləri qoruyur
"Kefir bütün əsas amin turşularını ehtiva edən tam zülal mənbəyidir və bu, əzələ kütləsini qorumağa kömək edir. Bu xüsusilə vacibdir, çünki yaşla birlikdə əzələ kütləsi azalır.

Kefiri necə düzgün saxlamaq olar?
Kerri Smit, Los-Ancelesdə Kulinariya Təhsil İnstitutunun şef-instruktoru bildirir ki, kefirin butulkasını açdıqdan sonra onu soyuducuda saxlayın və iki həftə ərzində istifadə edin. O qeyd edir ki, fermentasiya olunmuş içki olduğu üçün kefir mütləq "korlanmır", lakin çox uzun saxlanıldıqda turş dad daha da güclənir.