Saqqallıları öpməyin: Kişilərin üzlərində gizlənən dəhşətli təhlükə

Saqqal kişilər arasında epidemiya halına gəlib - müxtəlif formalarda və konfiqurasiyalarda üz tükləri uzun illərdir ki, dəbin zirvəsindədir.

Boyar modası, belə demək mümkünsə, birdən geri dönüb. Baxmayaraq ki, saqqallar, əlbəttə ki, fərqli ola bilər: səliqəsiz və iyrənc "bomj" saqqaldan metroseksuallarda və cod maçolarda ultra dəbli və gözəl saqqala qədər.

Lent.az xarici mediaya istinadla bildirir ki, amma ən ciddi qaydalara uyğun qulluq etsəniz belə, müxtəlif infeksiyalar baxımından sahibinə problem yarada bilər. Və sonra - saxlayın, saqqallı kişilərin həyat yoldaşları, bu sizə də aiddir!

Həkimlər saqqallı kişilərlə təhlükəli öpüşmələrdən danışır.

Saqqallı kişidən ortağına keçə bilən ən xoşagəlməz və təhlükəli infeksiya dəriyə təsir edən bakterial xəstəlik olan impetiqodur. Bu, saqqalda çoxala bilən streptokoklar və stafilokoklar tərəfindən törədilir.

Yoluxucu xəstəliklər üzrə mütəxəssis Olqa Tsarenko saqqallı kişilərin sağlamlıq riskləri barədə daha ətraflı danışıb: "Saqqalda müəyyən bir temperatur və rütubət saxlanılır, müxtəlif mikroorqanizmlər üçün rahatdır, buna görə də onların çoxalması üçün uyğun mühit formalaşır".

"Məsələn, qızılı stafilokok çoxaldıqda impetiqo inkişaf edə bilər. Bu, qabarcıqların, qabıqların və xoraların əmələ gəlməsi ilə səciyyələnən bakterial dəri infeksiyasıdır. Əsas profilaktika kir və mikroorqanizmləri təmizləmək üçün gündəlik saqqal gigiyenasına riayət etməkdir", - həkim əlavə edib.

Həkim onu da əlavə edib ki, üz tükləri olanlar və onların partnyorları üçün daha az xoşagəlməz bir risk var: qasıq bitləri saqqalda, kirpiklərdə və ya qaşlarda yaşaya bilər - gigiyena qaydalarına əməl edilmədikdə və ya yoluxmuş şəxslə sıx təmasda olduqda insanda görünə bilər. Qasıq bitin əsas əlaməti saçdakı ağımtıl nöqtələrdir. Bitlərin özləri saçın dibində yerləşə bilər ki, bu da onu daha qalınlaşmış görünür.

Buna görə də Olqa Tsarenkonun sözlərinə görə, saqqal saxlamağın arzuolunmaz olduğu peşələr var: bunlar cərrahiyyə həkimləri, reanimatoloqlar, tibb bacıları, xüsusən də cərrahiyyə şöbələrində, hərbi qulluqçular və hüquq-mühafizə orqanlarının nümayəndələridir.

Dermatoloq Anastasiya Voronova, aşağıdakı məqamları qeyd edib: "Burada anlamaq lazımdır ki, bizim dərimizdə çoxlu sayda müxtəlif bakteriya, göbələk və digər mikroorqanizmlər normal olaraq yaşayır, onlar bizim fürsətçi floramız hesab olunur. Stafilokoklar və streptokoklar da daxil olmaqla həm dərimizdə, həm də tüklərimizdə normal olaraq toxunulmazlığımızı azaltmadan baş verir. Yəni həmişə bizimlə yaşayırlar.

Saqqallı kişi ilə öpüşmək qızın üz dərisində qıcıqlanmaya səbəb ola bilər, çünki saqqal adətən qaba tüklüdür.

Dəri baryeri zədələndikdə, bizim normal mikrofloramız, onun içində olan eyni stafilokoklar və streptokoklar həqiqətən də bakterial infeksiyanın yaranmasına səbəb ola bilər”.

Eyni zamanda dermatoloq vurğulayıb ki, saqqalınıza düzgün qulluq etsəniz belə, dərinin bütövlüyünü pozma riskləri hələ də mövcuddur, yəni follikulit və impetiqo riskləri var.

Yaraşıqlı, dəbli, cod, lakin bir o qədər təhlükəli saqqallı kişi...