Mixail Saakaşvilinin Azərbaycana səfəri başlayıb

Gürcüstan Prezidenti Mixeil Saakaşvili mayın 20-də Azərbaycana rəsmi səfərə gəlib.

Lent.az-ın məlumatına görə, Heydər Əliyev adına Beynəlxalq hava limanında Gürcüstan dövlətinin başçısını Azərbaycanın baş nazirinin birinci müavini Yaqub Eyyubov və digər rəsmi şəxslər qarşılayıblar.
Hava limanının ali qonaqlar üçün salonunda Mixeil Saakaşvili və Yaqub Eyyubov arasında qısa protokol görüşü olub.

Gürcüstan prezidenti Heydər Əliyevin məzarını və Şəhidlər Xiyabanını ziyarət edib.