İsa Qəmbər müşavirini vəzifədən çıxartdı

Müsavat başqanı İsa Qəmbər müşaviri Hüseyn Məliki vəzifəsindən uzaqlaşdırıb. Bu barədə Lent.az-a partiyadakı mənbələrdən məlumat daxil olub. Mənbənin dediyinə görə, H.Məlik partiya rəhbərliyinə qarşı müntəzəm kampaniya apardığına görə vəzifəsindən azad edilib.

H.Məlik isə Facebookda Müsavat partiyasında fəaliyyəitni dayandırdığını bəyan edib: “2003-ildən indiyə qədər Müsavat partiyasının üzvü olduğumdan qürur hissi duyduğumu, bu andan etibarən partiyada fəaliyyətimi dayandırdığımı bəyan edirəm. Partiya ilə əlaqələrimin yenidən qurumasının mümkünlüyünü qurultayın qərarından asılı olacağını bildirirəm. Bütün dostlarıma uğurlar arzulayıram”.