BAXCP sədri ABŞ səfirliyinin siyasi işlər üzrə müşaviri ilə görüşdü

Bu gün Bütöv Azərbaycan Xalq Cəbhəsi Partiyasının (BAXCP) sədri, millət vəkili Qüdrət Həsənquliyev partiyanın mənzil qərargahında ABŞ-ın Azərbaycandakı səfirliyinin siyasi işlər üzrə müşaviri Syuzan Çesli ilə görüşüb. Partiyadan Lent.az-a verilən məlumata görə, görüşdə BAXCP-nin ölkədə, regionda və dünyada baş verən proseslərlə bağlı mövqeyi, Ermənistan – Azərbaycan (Dağlıq Qarabağ) münaqişəsinin tənzimlənməsi ilə bağlı yaranmış vəziyyət, ABŞ – Azərbaycan münasibətləri, parlament seçkiləri və digər məsəsələr ətrafında müzakirə aparılıb. Görüşdə BAXCP sədrinin beynəlxalq məsələlər üzrə müavini Elçin Mirzəbəyli və ABŞ səfirliyinin siyasi işlər üzrə mütəxəssisi Afaq Cavadova da iştirak ediblər.