Gəncədə antikorrupsiya mövzusunda tədbir keçirilib

Dəyirmi masa Korrupsiyaya Qarşı Mübarizə Fondu və QHT-lərə Dövlət Dəstəyi Şurası tərəfindən düzənlənib

Gəncədə “Regionlarda antikorrupsion maarifləndirmə və hüquqi yardım” layihəsi çərçivəsində tədbir keçirilib. Lent.az-ın Gəncəbasar müxbirinin verdiyi məlumata görə dəyirmi masa Korrupsiyaya Qarşı Mübarizə Fondu ilə Azərbaycan Respublikası Prezidenti Yanında Qeyri Hökümət Təşkilatına Dövlət Dəstəyi Şurası tərəfindən düzənlənib.

Yerli dövlət qurumlarından, QHT-lərdən nümayəndələrin qatıldığı tədbirdə çıxış edən Korrupsiyaya Qarşı Mübarizə Fondunun icraçı direktoru Vasif Mövsümov deyib ki, məqsəd 2007-2011-ci illəri əhatə edən Korrupsiyaya Qarşı Milli Strateqiyanın icrasına dəstək vermək, regionlarda keçirilmiş antikorruasion sorğuların nəticələrini ictimaiyyət nümayəndələri ilə bölüşmək, korrupsiya hallarının aradan qaldırılmasına nail olmaqdır.

Tədbirdə o da vurğulanıb ki, korrupsiya halları ilə bağlı müraciətlər ən çox məhkəmələr, bələdiyyələr, səhiyyə və təhsil sahəsi ilə bağlıdır. Gəncədə isə korrupsiya halları ilə bağlı müraciətlərin sayı azalıb. Göstərici 50 faizdən 30 faizə enib. Bu da görülən tədbirlərin müsbət nəticəsidir.

Vüsalə Cənnətova