28 825 yerə qarşı 114 284 ərizə verilib
12 iyun 2009 13:45 (UTC +04:00)

28 825 yerə qarşı 114 284 ərizə verilib

Ali məktəblərə tələbə qəbulu üçün plan yerlərinin sayı açıqlandı

2009/2010-cu tədris ili üçün ali məktəblərə tələbə qəbulu üçün plan yerlərinin sayı artıq məlumdur. Mayın 10-da Nazirlər Kabineti plan yerlərinin sayı və onun ixtisaslar üzrə bölgüsünün siyahısını Tələbə Qəbulu üzrə Dövlət Komissiyasına (TQDK) təqdim edib.

Lent.az-ın məlumatına görə, bu barədə TQDK sədri Məleykə Abbaszadə jurnalistlər üçün keçirdiyi mətbuat konfransında bildirib. O deyib ki, bu il respublikanın ali məktəblərinə tələbə qəbulu üçün 28 min 825 yer ayrılıb. Bunun 8 min 756-sı I qrupun, 7 min 326-sı II qrupun, 9 min 288-i III qrupun, 3 min 455- isə IV qrupun payına düşür.

TQDK sədri bildirib ki, artıq 114 min 284 abituriyent öz ərizəsini təsdiqləyib. Onun sözlərinə görə, ənənəvi olaraq, bu il də abituriyentlər daha çox ödənişsiz ixtisaslara maraq göstərir. Bu ixtisaslarda müsabiqə vəziyyəti çətin olduqda dövlət ali məktəblərinin ödənişli, ən çətin və son məqamda özəl ali məktəblərin ixtisaslarını seçirlər.

Elxan SALAHOV
1 2 3 4 5 İDMAN XƏBƏRLƏRİ
# 483

Oxşar yazılar