Türkiyə mütəxəssislərinin keçirdiyi kurslar başa çatır

Mədəniyyət və Turizm Nazirliyi Türkiyənin Mədəniyyət və Turizm Nazirliyinin, Türkiyə Əməkdaşlıq və İnkişaf Agentliyinin (TİKA) dəstəyi ilə Azərbaycanın turizm potensiallı şəhər və rayonlarında fəaliyyət göstərən mehmanxana və digər yerləşdirmə obyektlərində çalışanlar üçün təlim-tədris kursları keçirir.

İyunun 9-da kursların ikinci mərhələsi başa çatacaq. Nazirlikdən Lent.az-a verilən məlumata görə, Nabran qəsəbəsində Quba, Qusar və Xaçmaz rayonlarında fəaliyyət göstərən mehmanxana və mehmanxana tipli obyektlərin əməkdaşları üçün təşkil olunan təlim kursları 4 istiqaməti əhatə edib. Bunlar hotel idarəçiliyi, masa xidməti, qeyd-qəbul və mərtəbə xidmətləri - xadiməçilik ixtisaslarıdır. Kurslara 120 nəfərə yaxın dinləyici qatılıb. Təlim kursları Türkiyədən dəvət edilmiş peşəkar mütəxəssislər tərəfindən həyata keçirilib. İyunun 9-da təlim kurslarının bağlanış və sertifikatların təltif etmə mərasimi keçiriləcək.
Xəyalə