2520 bakalavr ixtisasına uyğun qəbul proqramını və ixtisaslaşmaları seçərək təsdiq edib

Ali təhsil müəssisələrinin magistraturalarına 20 fevral 2011-ci il tarixində keçirilmiş qəbul imtahanının birinci mərhələsinin nəticələrinə görə müsabiqə şərtlərini ödəyərək imtahanın ikinci mərhələsinə buraxılmış bakalavrların internetlə proqram və ixtisaslaşma seçimi davam edir.

Tələbə Qəbulu üzrə Dövlət Komissiyasının (TQDK) mətbuat xidmətindən Lent.az-a verilən məlumata görə, 13 iyun saat 11:30-a olan məlumata əsasən, 2 min 520 bakalavr internetlə elektron ərizələrinə daxil olaraq bitirdikləri bakalavr ixtisasına uyğun qəbul proqramını və ixtisaslaşmaları seçərək təsdiq edib.

Xatırladırıq ki, təsdiq prosesi iyunun 15-də (saat 10:00-da) başa çatacaq. Hələ də proqram və ixtisaslaşma seçimini təsdiqləməyən bakalavrların qeyd olunan proseduru vaxtında icra etmələri tələb olunur. Əks halda, onlar iyunun 26-da keçiriləcək magistraturaya qəbul imtahanının ikinci mərhələsinə buraxılmayacaqlar.