Abel Məhərrəmov: “İddiamla tutulan jurnalistə hər gün “peredaça” göndərirdim”

APA-nın xəbərinə görə, rektor 1998-ci ildə senzura ləğv edildikdən sonra məmur-KİV münasibətlərində ciddi böhranın yarandığını bildirib.

Onun sözlərinə görə, bu məsələdə günahı birmənalı şəkildə tərəflərdən birinin üzərinə qoymaq düzgün olmazdı: “Bu, daha çox təcrübəsizlikdən irəli gəlirdi. 1999-cu ildə prezident tərəfindən BDU-ya rektor təyin olunduqdan sonra mənim haqqımda da mətbuatda xeyli yazı yazılmasına başlandı. O vaxt mətbuatla münasibətlərdə mənim elə də təcrübəm yox idi. Etiraf edirəm ki, haqqımda kim mənfi nəsə yazırdısa, dərhal məhkəməyə verirdim”.

A. Məhərrəmov qeyd edib ki, məhkəməyə verdiyi qəzetlərdən birinin baş redaktoruna 1 il həbs cəzası verilib: “Açığı, bunun belə olacağını heç özüm də gözləmirdim. Sonra həmin adamı həbsdən çıxartmaq üçün xeyli əziyyət çəkməli oldum. Hər gün həbsxanaya onun üçün “peredaça” göndərirdim”.