Əsgər məktublarında bəzən həyatından şikayətlənir və qıza olan sevgisini bildirib.
ABŞ-ın Darem şəhərinin sakini Laura Tonkin təsadüfən çardağında 100 illik sevgi məktubları tapıb.
Lent.az-ın xarici mediaya istinadla xəbərinə görə, Tonkina köhnə əşyalar toplamağı çox sevdiyini, amma çardaq təmirinə qədər orada hansı artefaktların gizlədildiyini belə düşünmədiyini söyləyib. İşçilər onun çardağında Con B. Uslinin yazdığı köhnə, bəzi yerləri cırılmış məktubları tapıblar.
Laura sonradan başa düşüb ki, qarşısındakı Birinci dünya müharibəsi dövründən qalma sevgi yazışmalarıdır.
Məlum olub ki, Con Fransada döyüşüb və sevgilisi Oma ilə yazışıb. O vaxt onun təxminən 20 yaşı olub. O, Omaya əsgərliyin çətinliklərindən danışıb və hərbi senzuradan şikayətlənib. Lakin Con məktublarının əksəriyyətində yenə də ona olan sevgisini bəyan edib.
Məktubları aşkar etdikdən sonra Laura Conun məzarını tapıb. Oma onun yanında dəfn edilib. Oma onun arvadı olub.
Laura evin əvvəlki sahibinin Conla dost ola biləcəyini ehtimal edib. Tarixi bir cəmiyyət və ya cütlüyün qohumu onları tələb edə bilənə qədər məktubları saxlamağa qərar verib.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
