(R) "Asan İmza" Hesab.az elektron ödəmə portalına inteqrasiya edilib

"Asan İmza" (mobil rəqəmli imza) Hesab.az elektron ödəniş portalına inteqrasiya edilib.

Mobil elektron imza, bank xidmətlərinin məsafədən avtorizasiya olunmasında istifadə olunur.

"Asan İmza"-nın tətbiqi bank müştərilərinə kredit və sığorta müqavilələri bağlamaq, elektron ödənişləri həyata keçirməyə və digər xidmətlərdən istifadə etməyə imkan yaradır.

"Asan İmza " mobil telefonu təhlükəsiz elektron şəxsiyyət vəsiqəsi kimi istifadə etməyə imkan verir.

Rəqəmli elektron imza və SMART-kart texnologiyasına əsaslanan "Asan İmza" elektron xidmətlərin təhlükəsiz istifadəsində və sənədlərin imzalanmasında istifadə oluna bilər.

Sisteminin əsasını, mobil operatordan əldə ediləcək xüsusi "Asan İmza"-ilə təchiz olunmuş Sim-kart təşkil edir. Sim-kart da şəxsi istifadə açarları, identifikasiya və imzalanma üçün zəruri olan xüsusi proqram təminatı saxlanılır.

Hazırda "Asan İmza" platforması Azərbaycanın mobil operatoru Azercell Telecom MMC-nin platforması ilə inteqrasiya edilib. Digər operatorların ("Bakcell" və "Azerfon") platformaları ilə inteqrasiya işləri başa çatmaq üzrədir.

Hesab.az portalı haqqında:

“GoldenPay” ödəmə texnologiyaları əsasında çalışan “hesab.az” onlayn xidmət portalı, mobil operatorlar, İnternet- provayderlər, bütün kabel televiziya operatorlarının və kommunal şirkətlərin xidmətlərini bank kartları vasitəsi ilə ödəmək imkanı verir. Bundan başqa, portalda lizing və bank kreditlərinin ödənişi və onlayn-sığorta xidmətləri göstərilir. Hazırda portalda qeydiyyatdan keçən 86.5 mindən artıq abunəçiyə “Şəxsi kabinet” yaratmaq, ödənişlərin tarixçəsini aparmaq və bonus qazanaraq müxtəlif hədiyyələr üzrə hərraclarda iştirak etmək imkanı təqdim edilir.