Azərbaycanda həkim özünü reklam edə bilməz!

Azərbaycanda həkim özünü reklam edə bilməz.

Lent.az-ın verdiyi məlumata görə, bu, “Həkimlərin Etik Davranış Qaydaları”nda əksini tapıb.

Sənəddə qeyd olunur ki, tibbi xarakterli nəşrlər, həkimlərin elmi forum və cəmiyyətlərdə çıxışları, kütləvi informasiya vasitələri ilə maarifləndirici fəaliyyəti etik normalara uyğun olmalı, obyektiv elmi-praktik məlumatla məhdudlaşmalı və qeyri-sağlam rəqabət, reklam və özünü reklam elementlərini əks etdirməməlidir. Həkim digər hüquq və fiziki şəxslərin reklamı və ya maraqlarının təbliğatı üçün öz vəzifəsindən istifadə olunmasına yol verməməlidir.