İmtahanların keçirilmə vaxtı açıqlandı

İlk peşə-ixtisas təhsili müəssisələrində dövlət buraxılış imtahanlarının keçirilmə vaxtı açıqlanıb. Bu barədə Lent. az-a Təhsil Nazirliyinin mətbuat xidmətindən məlumat verilib. Təhsil naziri Misir Mərdanov ilk peşə-ixtisas təhsili müəssisələrində tam təlim kursunu nəzəri təlim fənlərindən və istehsalat təlimindən uğurla bitirən şagirdlərdən buraxılış-ixtisas imtahanlarının götürülməsini təmin etmək məqsədi ilə əmr imzalayıb.

Nazirin əmrinə əsasən, imtahanlar hərbi xidmətə çağırılan çağırışçılardan aprelin 25-nə qədər, çağırışçı olmayanlardan istehsalat təcrübəsi başa çatdıqdan sonra götürüləcək.