Yeni ekspres avtobus marşrutu açılır: Gediş haqqı 1 manat 50 qəpik

Xidmət keyfiyyətinin artırılması, sərnişin tələbatının və sürətli gedişlərin təmin edilməsi məqsədilə iyulun 28-dən Qaradağ rayonu, Ələt qəsəbəsini Səbail rayonu, 20-ci Sahə dairəsi ilə əlaqələndirən 195E nömrəli yeni ekspres marşrutu fəaliyyətə başlayır.

AYNA-dan Lent.az-a vertilən məlumata görə, "Neoplan" markalı 7 ədəd böyüktutumlu avtobus sərnişinlərə hər gün saat 06:30-dan 21:00-dək 30 dəqiqə hərəkət intervalı ilə xidmət göstərəcək. Ekspres marşrutun daşıyıcısı “BakuBus” MMC-dir.

Avtobuslarda ödəniş nağdsız qaydadadır. Gedişhaqqı 1 manat 50 qəpik müəyyən edilib.