İtalyanlar məşhur kurortlar arasında məhz bu adanı seçirlər. İskya Tirren dənizində yerləşən qonaqpərvər İtaliya adasıdır. O, vulkanik isti bulaqları və zəngin yaşıllığı ilə tanınır.
Lent.az xarici KİV-ə istinadən xəbər verir ki, ada qonşu Kapridən xeyli münasibdir. Kapridə bir fincan qəhvə təxminən 10 dollar ola bilər, həmçinin bahalı və izdihamlı Amalfi sahilləri ilə müqayisədə İskya daha əlçatan yerdir. Buraya ölkənin digər bölgələrindən gələn italyanlar üstünlük verir, çünki onlar daha məşhur turizm məkanlarından qaçmağa çalışırlar. Bu fəsildə temperatur təxminən +20 °C olur. Turistləri limanın rəngarəng binaları, su kənarında qəhvə içən insanlar və sakit çimərliklərə istirahətçiləri aparan su taksiləri qarşılayır.
Qiymətlər və yeməklər
Nəşr qeyd edib ki, XV əsrə aid Aragon qalasına möhtəşəm mənzərə açılan 3 ulduzlu Don Felipe otelində bir nəfərlik otaqda qalmaq gecəlik cəmi 62 dollardır. Bu qiymət olduqca sərfəlidir, çünki oteldə həm hovuz, həm də yaxşı personal var. Hər bir turist adada mütləq “aperitiv” dadmalıdır – bu, axşam yeməyindən öncə kokteyl və qəlyanaltılardan ibarət xoş bir ritualdır. Bunun üçün Aragon qalasının ətəyində yerləşən Ristorante Bar da Coco əladır. Burada bir “Aperol-spritz” kokteyli qəlyanaltı ilə birlikdə cəmi 8 dollara başa gəlir.
Daha doyumlu yemək istəyənlər Pizzeria di Scala restoranına gedə bilərlər. Burada pizzanın qiyməti paketlə aparmaq üçün 5 dollardan başlayır, restoran daxilində isə bir qədər bahadır. Dondurmaya gəlincə, burada favorit Ice Da Luciano-dur. Dadlı dondurmanın bir porsiyası cəmi bir neçə avroya başa gəlir. Dadına baxdıqdan sonra adanın 30-a yaxın çimərliyindən birinə yollana bilərsiniz. Onların çoxu qumlu sahil və sakit sulara malikdir.
Çimərliklər və təbii gözəlliklər
Maronti çimərliyi adanın ən məşhur və ən uzun çimərliklərindən biridir. Onun uzunluğu 2,8 km-dir. Burada dəniz təmizdir, üzmək və snorlinq üçün ideal şərait yaradır. Həmçinin Sant-Anjelo kəndinə baş çəkmək tövsiyə olunur burası ağ evləri və hər addımda göz oxşayan çəhrayı bügenvilyaları ilə möhtəşəm bir yerdir. Yaxınlıqda isə məşhur Sorceto isti bulaqları yerləşir.
İskya adası vulkanik fəaliyyəti ilə tanınır. Nəticədə minerallarla zəngin termal bulaqlar dəniz səthinə isti qabarcıqlar çıxarır və bu, təbii “cakuzi” effekti yaradır. Bir çox spa mərkəzləri ödənişli hovuzlar təklif etsə də, Sorceto tamamilə pulsuzdur və adanın ən məşhur təbii məkanlarından biridir.
“The Sun” belə məsləhət görür: “Pilləkənlərlə bu mənzərəli körfəzə enin və bu təbii spa kompleksində istirahət edin, suyun masaj effekti bədəni rahatladır və ağrıları aradan qaldırır”.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
