Ailə varis dünyaya gətirməyi düşünən kimi tez-tez bir fikir dolaşır, oğlana atasının adını vermək. İlk baxışda bu, nəsillər arasındakı bağı gücləndirən gözəl ənənə kimi görünür. Lakin psixoloqlar və etnoqraflar bildirirlər ki, bu ənənə düşündüyündən daha çox risk daşıya bilər. Müxtəlif mədəniyyətlərdə oğula atanın adının verilməsi bəzən şərəf deyil, ağır məsuliyyət kimi qəbul olunub.
Lent.az xarici mediaya istinadla xəbər verir ki, psixoloqların sözlərinə görə atasının adını daşıyan uşaq tez-tez görünməz təzyiqlə üzləşir.
Ondan atasının taleyini, xarakterini və uğurlarını təkrarlaması gözlənilir. Belə oğlan sanki başqa bir şəxsiyyətin kölgəsində böyüyür və seçmək haqqı verilməyən bir obrazla uyğunlaşmağa məcbur qalır.
Etnoqraflar xatırladır ki, qədim dövrlərdə eyni nəsildə eyni adların çox olması uğursuz əlamət sayılırdı. İnsanlar talelərin “qarışacağına” və bir-birinin bəxtini alacağına inanırdılar. Müasir elm bunu fərqli izah etsə də, nəticə bənzərdir: uşaq öz unikallıq hissini itirə və daxili ziddiyyət yaşaya bilər.
Psixoterapevtlərin sözlərinə görə, belə uşaqlarda özünəinam problemləri daha tez-tez müşahidə olunur. Onlar öz arzuları ilə ailənin gözləntilərini ayırd etməkdə çətinlik çəkirlər. Xüsusilə ata güclü və dominant xarakterlidirsə, eyni adı daşıyan oğul daimi müqayisə altında qalır.
Bəzi kişilər etiraf edir ki, ömür boyu özlərini atasının “ikinci versiyası” kimi hiss ediblər. Bu isə həm karyera qurmağa, həm də şəxsi münasibətlərə mənfi təsir göstərə bilir. Ekspertlər vurğulayırlar ki, ad sadəcə səslər toplusu deyil, o, insanın kimliyinin formalaşmasına və özünü necə qəbul etməsinə təsir edir.
Əgər ad yalnız ənənəyə görə seçilirsə, uşaq bunu şüuraltı şəkildə rədd edə bilər. Bu isə üsyankarlıq, qapanıqlıq və ya ailədən uzaqlaşmaq istəyi kimi özünü göstərə bilər. Psixoloqlar uşağın fərdiliyini əks etdirən ad seçməyi tövsiyə edirlər, çünki bu, onun öz yolunu daha rahat qurmasına kömək edir.
Eyni zamanda ailə ənənələrini qorumaq qadağan deyil. Sadəcə ad təzyiq rəmzinə çevrilməməlidir. Bəzi ailələr kompromis yol seçərək atanın adını ikinci ad kimi istifadə edir. Bu həm xatirəni yaşadır, həm də uşağın azadlığını məhdudlaşdırmır.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
