ABŞ-ın Kolorado ştatının sakinləri, demək olar ki, bütün gecə fasiləsiz olaraq səslənən avtomobil siqnalına oyanıblar.
Əvvəlcə onlar qonşularının qəsdən avtomobil siqnalizasiyasını yandırdığını və ya lazımsız yerə siqnal verdiyini düşünüblər.
Lent.az-ın xarici mediaya istinadən məlumatına görə, lakin əsl səbəb daha gözlənilməz olub - maşının içərisində ayı ilişib qalıb. Qəribə hadisə Qold-Hill yaşayış məntəqəsində baş verib.
Siqnalın fasiləsiz səsi insanları gecələr oyaq saxlayıb. Yerli sakinlər yalnız səhərə yaxın araşdırma aparmaq qərarına gəliblər.
Patrik Sallivan avtomobilin gözlənilməz sürücüsünü göstərən mobil telefon videosunu paylaşıb.
Kadrlarda maşının ön oturacağında oturan ayının sükana söykəndiyi və dəfələrlə siqnal verdiyi görünür.
Vəhşi heyvana yaxınlaşmamaq üçün kişi maşının qapısını təhlükəsiz məsafədən açmaq qərarına gəlib.
Uzun ipdən istifadə edərək qapının dəstəyini çəkib və qapı açılıb.
Çıxış yolu görünən kimi ayı tez bir zamanda oradan tullanıb yoxa çıxıb.
Yerli sakinlərin sözlərinə görə, heyvan avtomobilə ciddi ziyan vurmağı bacarıb.
Məsələn, ayı avtomobilin yan panellərindən birini deformasiyaya uğradıb və təsadüfən sürücü tərəfindəki hava yastığını işə salıb.
Xoşbəxtlikdən, hadisə zamanı heç kim yaralanmayıb və ayı sərbəst buraxıldıqdan sonra meşəyə qayıdıb.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
