Balaəli "Range Rover"lə  avtobusun qabağını kəsdi: Yol polisi OD PÜSKÜRDÜ
08 fevral 2023 11:26 (UTC +04:00)

Balaəli "Range Rover"lə avtobusun qabağını kəsdi: Yol polisi OD PÜSKÜRDÜ

Məşhur meyxanaçı Balaəli yolun hərəkət hissəsində avtomobilini saxlayaraq, mağazaya gedib.

Lent.az xəbər verir ki, bu barədə sosial şəbəkələrdə görüntülər yayılıb.  Görüntülərdən məlum olur ki, Balaəli idarə etdiyi “Range Rover” markalı avtomobilini saxlayarkən, arxada marşrut avtobusunun olmasına və onu gözlətməsinə əhəmiyyət verməyib. Məlumata görə, hadisə Qara Qarayev prospektində olub. Onun bu hərəkəti sosial şəbəkədə qınaq obyektinə çevrilib.

Məsələ ilə bağlı Bakı şəhər Dövlət Yol Polisi İdarəsinin baş inspektoru, polis mayoru Araz Əsgərli Lent.az-a meyxanaçının bu hərəkətinin məsuliyyətsizlik olduğunu deyib:

“Təbii ki, bu hərəkət məsuliyyətsizlikdir. Hər zaman demişik, kim ki, bu cəmiyyətdə azdan çoxdan tanınır, çalışıb nümunəvi hərəkətlər etsinlər. Ona görə ki, onların nümunəvi hərəkətləri ilə məsuliyyətli olmaq aşılansın. Avtobusda gözləyənlər də bizim insanımızdır onu yersiz yerə gözlətdirən də… Qanun isə hamıya bərabər hüquqlar verib. Bu əmələ görə 20 manat cərimə nəzərdə tutulub. Bəlkə də qara “Range Rover” sürənə bu elə də böyük məbləğ deyil. Amma azı 80 adamı yolda gözlətmək və arxada sıxlıq yaratmaq, kimlərinsə həyatını çətinləşdirmək isə cərimə ilə yox ictimai məsuliyyətlə ödəniləcək mənəvi öhdəlikdir. Bax bunun üçün ətrafdakılara hörmətlə yanaşmaq lazımdır”.

Polis mayoru bu kimi hadisələrin təəssüf ki, paytaxtın bəzi yerlərində də olduğunu bildirib:

“Bəzi restoranlar var ki, onların qarşısında bahalı avtomobillər gəlib qanunsuz parklanma edir. Əməkdaşlarımız onları qeydə alanda harınlıq edərək, “20 manatdır da, çəkirsən çək verəcəm” deyir. Bu təbii ki, arzuolunmaz, xoşagəlməz haldır. Gəl ki, həmin bəzi bahalı maşın sahiblərini çox azı istisna olmaqla qardaş Türkiyəyə yardım göndərilən ünvanlarda görmədik. Ora da gəlib avtomobillərini saxlayardılar, sadə insanlara dəstək nüməyiş etdirərdilər. Heç olmasa belə gündəmə gələrdilər”.

# 6498
avatar

Mehman Nəbiyev

Oxşar yazılar