Paytaxtda tonlarla insan qalıqları tapıldı - VİDEO

Ukraynanın paytaxtı Kiyevdə dəhşətli tapıntı aşkar edilib.

Lent.az yerli mediaya istinadla bildirir ki, Podil qəsəbəsində insan sümükləri və kəllələri ilə dolu metal konteyner tapılıb. Bir neçə ton ağırlığında olan tapıntı hüquq-mühafizə orqanlarını şoka salıb və ictimaiyyətin qəzəbinə səbəb olub.

Kiyev polisinin məlumatına görə, yüzlərlə insan qalığının olduğu konteyner əvvəllər Ukrayna Milli Elmlər Akademiyasının Arxeologiya İnstitutunun bazasının yerləşdiyi Skovoroda küçəsi 9-b ünvanında yerləşir. Bu sümüklər illər ərzində paytaxtda aparılan qazıntılar zamanı toplanmış arxeoloji tapıntılardır.

Yerli medianın araşdırmasından məlum olub ki, bunlar yüz ildən çox əvvəl ölmüş Kiyev sakinlərinin qalıqlarıdır və dəfn olunmayıblar. Konteynerin dayandığı yer həqiqətən də daha çox zibilliyə bənzəyir. Burada hər yeri alaq otları basıb, səngərlər qazılıb. Bir vaxtlar isə olduqca zərif və baxımlı bir şəhər ərazisi olub.