Pərviz Yunusov yol polisini vurub boynunu sındırdı - HADİSƏ ANI - YENİLƏNİB

Moskvada yol polisini avtomobillə vurub xəsarət yetirən şəxs üzr istəyib.

Lent.az Rusiya KİV-ə istinadla bildirir ki, hadisəni törədən şəxsin Moskva sakini 35 yaşlı Pərviz Yunusov olduğu müəyyənləşib. O, üzr videosu paylaşaraq, xəsarət alan yol polisinə şəfa diləyib və hüquq-mühafizə orqanlarından onu anlayışla qarşılamalarını istəyib.

3 övladı olan kişinin sözlərinə görə, Peçatnikiyə atasını görməyə gedirmiş. Maşını idarə edərkən qarşısındakı avtomobil qəfil dayanıb və bu səbəbdən o, sükanı döndərərək sağa hərəkət zolağı dəyişmək məcburiyyətində qalıb. Bu zaman o, yol polisi əməkdaşını vurub, bundan sonra hadisə yerindən qaçıb. Sürücü hadisədə özünü təqsirli bilərək, zərərçəkmişlə barışacağına ümid etdiyini dilə gətirib.

***
Saat: 12:20

Moskvada sürücü avtomobillə yol polisi müfəttişini vurub.

Lent.az Rusiya mediasına istinadla bildirir ki, hadisə ötən gecə Volqoqradski prospektində baş verib.

Yol polisi müfəttişi hərəkətli magistral yola çıxıb və onu qara rəngli “Volkswagen Jetta” vurub. Avtomobilin sürücüsü dayanmayıb və naməlum istiqamətdə gedib.

Yol müfəttişi ağır vəziyyətdə xəstəxanaya yerləşdirilib. Ona sol ayağının, qabırğasının və boyun fəqərələrinin sınığı, daxili orqanların əzilməsi diaqnozu qoyulub.

Polis “Volkswagen”in sürücüsünü axtarır.