Saraydan 4 milyonluq qızıl unitazı oğurladılar - HADİSƏ ANI

İngiltərədə Oksfordşir şəhərindəki Blenheim sarayından 4 milyon 750 min funt-sterlinq dəyərində qızıl unitaz oğurlanıb.

Lent.az xarici mediaya istinadla bildirir ki, polis hadisə anının görüntülərini yayıb.

Məlumata əsasən, “Amerika” adlı qızıl unitaz İkin Dünya müharibəsi ərəfəsində İngiltərənin baş naziri olan Uinston Çörçillin doğulduğu malikanədə bir sənət əsəri olaraq yerləşdirilib. Qeyd olunur ki, unitazı aparmaq üçün qara papaqlı oğrulara sadəcə 5 dəqiqə vaxt bəs edib.

Lakin məhkəmə zamanı şübhəlilərdən Mayklı Jones günahsız olduğunu sübuta yetirib. Ondan başqa Fridrix Sines və Bora Quccuk da barəsindəki ittihamları rədd edib. Prokurorun açıqlamasında isə bildirilir ki, hadisədən əvəvl Jones özü saraya kəşfiyyat məqsədilə ziyarətə gəlib. Ziyarətdən sonra isə Ceyms Şin adlı bir şəxsə “Whatsapp”dan mesaj göndərib. Şin ifadəsində oğurluqda iştirakını boynuna alıb.

Hazırda məhkəmə araşdırması davam edir.