“Sevginin günü olmur. Mənə görə, yoldaşımla yaşadığım hər gün sevginin günüdür”.
Bu sözləri Lent.az-a paytaxtın yaşlı sakini Bəxtiyar dayı deyir.
14 Fevral – Müqəddəs Valentin Günü...
Bəziləri bu günü Qərb ənənələrinin mənasız bir təqlidi, digərləri isə sevgilini sevindirmək üçün əlavə bəhanə hesab edir.
Maraqlıdır bəs, paytaxt sakinləri bu günü necə qeyd edir?
Lent.az-ın bu barədə keçirdiyi sorğunun nəticələri onu göstərir ki, yaşlı nəsil bu günü “bir güllə” keçirdiyi halda, gənc nəslin nümayəndələri mütləq qeyd etmək niyyətindədirlər.
Hə, onu da qeyd edək ki, Azərbaycanda Sevgililər günü həm də İlham və Fərizənin toy günü, yəni 30 iyununda da qeyd edilir.
Və sonda.
Biləsiniz ki, sevgi yaşanmayacaq qədər gözəl, dərk edilməyəcək qədər sadə, doyulmayacaq qədər doyulmaz duyğudur.
Sevgi pislik görəndə azalmayan, yaxşılıq görəndə çoxalmayandır.
Sevgi yaşamanın gücüdür, sevmək həm də inanmaqdır.
Sevmək bölüşməkdir, sevdiyi ilə sevgisini bölüşməkdir.
Sevgidə son yoxdur. Sevginin heç bir zaman sonu olmaz.
Sevginin zamanı olmaz.
Odur ki, bir günlə kifayətlənməyin, 365 gün sevin!
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
