Bu sadə tövsiyələr sevdiyiniz ətrin gün ərzində yenidən vurulmadan dəridə qalmasına kömək edəcək.
Lent.az bu qalıcılığı qorumaq üçün bəzi üsullar təqdim edir:
Bir çox insan eyni problemlə üzləşir: ətir ilk anda qalıcı təsir bağışlayır, lakin bir neçə saat sonra demək olar ki, hiss olunmur. Halbuki mütəxəssislər bildirirlər ki, səbəb hər zaman ətirin keyfiyyəti olmur. Çox vaxt qoxunun tez itməsinə yanlış tətbiq və dəriyə düzgün qulluq edilməməsi səbəb olur.
Ətrin bütün gün qalmasına kömək edən sadə, lakin az bilinən bir üsul var. Gəlin, ətiri necə vurmaq lazım olduğunu izah edək ki, qoxusu maksimum uzun müddət qalsın.
Ətri düzgün vurmağın əsas sirri
Ən vacib qayda az adamın bildiyi məqam ətri quru dəriyə yox, nəmləndirilmiş dəriyə vurmaq lazımdır. Quru dəri ətirdəki aromatik yağları tez hopdurur və bu səbəbdən qoxu daha sürətlə uçur.
Ətri vurmazdan əvvəl aşağıdakılardan istifadə etmək olar:
qoxusuz adi krem;
yüngül bədən losyonu;
kremə qarışdırılmış bir neçə damcı qliserin.
Bu halda ətir dəridə daha yaxşı “tutur” və xeyli daha uzun müddət qalır.
Ətrin itməməsi üçün onu hara vurmaq lazımdır
Ətrin qalıcılığı düzgün vurulan nahiyələrdən asılıdır. Qoxu ən yaxşı dərinin isti və nəbzin hiss olunduğu yerlərdə saxlanılır:
qulaqların arxası;
biləyin daxili hissəsi;
dirsək bükümü;
körpücük sümüklərinin üstü;
dizlərin arxa hissəsi.
Vacib qeyd: ətri vurduqdan sonra sürtməyin. Bu, ətirin tərkibini pozur və onun qalıcılığını azaldır.
Ətrin qoxusunu uzadan əlavə hiylə
Daha bir az bilinən üsul ətri təbii parçalardan olan geyimlərə vurmaqdır. Kətan, yun və pambıq parçalar qoxunu sintetik materiallardan daha uzun saxlayır. Bunun üçün uzaqdan bir yüngül püskürtmə kifayətdir. Şərf, paltonun yaxası və ya jaketin iç tərəfi üçün də uyğundur.
Ətrin tez itməməsi üçün bu səhvlərdən çəkinin:
dəriyə qulluq etmədən quru dəriyə vurmaq;
eyni yerə tez-tez yenidən püskürtmək;
flakonu günəş altında və ya hamam otağında saxlamaq.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
