50 yaşdan yuxarı qadınlar üçün ən dəbli saç düzümləri

Bərbərlər Kirsten Finniqan və Markos Duran Alvis 50 yaşdan yuxarı qadınlar üçün ən dəbli saç düzümlərini açıqlayıblar.

Lent.az bu saç düzümlərini təqdim edir:

Ekspertlərin sözlərinə görə, yaş artdıqca qadınların saçları nazikləşir və tez-tez tökülmə halları müşahidə olunur. Buna görə də onlar saçlara vizual olaraq həcm verən və xüsusi qulluq tələb etməyən saç düzümlərinə üstünlük verməyi məsləhət görürlər.

Açıq rəngli tellərlə çoxqatlı saç kəsimi

Siyahıda ilk yeri açıq rəngli tellərlə tamamlanan çoxqatlı saç kəsimi tutur. Mütəxəssislər bu saç düzümünü formaya salarkən saçları ağırlaşdıran qatı vasitələrdən istifadə etməməyi tövsiyə edirlər.

Bob və piksi saç kəsimləri

Mütəxəssislər ön hissədə saç uclarının daha dolğun göründüyü kəsimləri də tövsiyə edirlər.

“Bob və düz kəsimli digər saç modelləri nazik saçlar üçün əla seçimdir. Onlar saçlara vizual olaraq həcm, tekstura və sıxlıq verir, uclarını daha dolğun göstərir. Bundan əlavə, piksi və ya qeyri-bərabər qatlı saç kəsimlərini də sınamaq olar”, - deyə Finniqan bildirib.

Yandan ayrılan və çoxqatlı saç düzümləri

Mütəxəssislər siyahıya saçların yandan ayrıldığı modelləri və başın təpə hissəsinin bütün çevrəsi boyunca qatlarla kəsildiyi, “halo” adlandırılan saç düzümünü də daxil ediblər. Bərbərlərin fikrincə, ikinci model xüsusilə uzun saçlı qadınlar üçün uyğundur.

Вводная картинка