Həkimlər izah edir: hansı "kolqotkalar" sistit, kandidaz (süd göbələyi) və varikoz yarada bilər.
Lent.az xarici mediaya istinadla xəbər verir ki, bir çox qadın qış aylarını "kolqotkasız" təsəvvür edə bilmir istər ofisdə, istər küçədə gəzinti zamanı, istərsə də axşam tədbirlərində. Lakin məlum olur ki, bu adi geyim elementi sağlamlığa ciddi təsir göstərə bilər.
Həkimlər xəbərdarlıq edirlər: "kolqotka"nın düzgün seçilməməsi infeksiyalara, iltihablara və damar problemlərinə səbəb ola bilər.
Niyə bəzi "kolqotka"lar sağlamlıq üçün təhlükəlidir
Əvvəlcə zərərsiz görünən "kolqotka"lar yanlış seçim olduqda ciddi problemlərə yol aça bilər. Səbəb sintetik materiallar və bədənə çox sıx oturmasıdır. Bu, hava keçirmə qabiliyyətini azaldır, nəmliyi və temperaturu artırır, nəticədə bakteriya və göbələklər üçün ideal şərait yaranır.
Mütəxəssislərin sözlərinə görə, kapron, neylon və poliamid kimi sıx sintetik materiallardan hazırlanan "kolqotka"lar dərinin nəfəs almasını məhdudlaşdırır. Nəticədə dəridə qıcıqlanma, qaşınma və iltihab baş verir. Əgər qadın kandidaza (süd göbələyi) meyllidirsə, bu vəziyyət daha da ağırlaşa bilər.
Soyuqda nazik "kolqotka"ların təhlükəsi
Həkimlər bir məsələni xüsusi vurğulayırlar: nazik "kolqotka"lar şaxtalı havada ayaqları və çanaq orqanlarını lazımi dərəcədə qorumur. Bu isə sistit (sidik kisəsi iltihabı) və yumurtalıq iltihabı üçün birbaşa risk deməkdir.
Damar sağlamlığına zərər
Bəzi "kolqotka"lar çox dar olur və bel hissəsində sərt rezin lentlər olur. Bu, qan dövranını pozur, ayaqlarda şişkinlik yaradır və varikoz xəstəliyinin inkişafına səbəb ola bilər.
Necə təhlükəsiz "kolqotka" seçməli?
Tərkibə diqqət yetirin: Ən uyğun materiallar pambıq, mikromodal, yun və ya bambukdur.
Əgər "kolqotka" tamamilə sintetikdirsə, pambıq əlavə hissəsi (xüsusilə qasıq nahiyəsində) olmasına diqqət edin.
Çox sıx rezin lentlərdən və kobud tikişlərdən qaçın, çünki bunlar qan dövranını zəiflədir.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
