Ən nüfuzlu dünya liderlərinin adı açıqlanıb

ABŞ prezidenti Barak Obama «Forbes» jurnalının keçirdiyi sorğunun nəticələrinə əsasən, dünyanın ən nüfuzlu liderlərinə başçılıq etməkdədir.

Lent.az-ın «nyusru»-ya istinadən məlumatına görə, ondan sonrakı yeri Almaniyanın kansleri Angela Merkel tutur. Rusiya prezidenti Vladimir Putin isə bu siyahıda üçüncüdür.

Jurnalın reytinq sıralmasına «pulundan tutmuş hakimiyyətinə qədər dünyanın tale asılı olan» 71 insanın adı daxil edilib.
Siyahdı dördüncü yerdə «Microsoft» şirkətinin başçısı Bill Qeytsdir. 5-ci yerdə Roma Papası durur.

ABŞ Federal Ehtiyat sisteminin başçısı Ben Bernanke bu sıralamada 6-cı, Avropa Mərkəzi Bankının rəhbəri Mario Draqi isə 8-cidir.

Dünyanın ən nüfuzluları sırasında Səudiyyə Ərəbistanının kralı Abdulla ibn-Əbdül Əziz 7-ci, Çin Kommunist Partiyasının baş katibi Si Tszinpin isə 9-cu dur. İlk 10-luğu Britaniyanın baş naziri Devid Kemeron qapayır.