Uzun illər evli olan ər-arvad qardaş-bacı çıxdı

İrlandiyanın Leinster vilayətində yaşayan bir cütlük bir-birlərinə aşiq olub, illərlə birlikdə yaşayıb.

Lent.az-ın “internethaber.com” saytına istinadən verdiyi məlumata görə, cütlüyün bir oğlan övladı dünyaya gəlib və xoşbəxt ailə həyatı yaşayan ata və ana bundan sonra onlar əslində qardaş-bacı olduqlarını öyrəniblər.

Övladlarının gələcəkdə problem yaşamasını istəməyən və mətbuatda şərti olaraq Ceyms və Maura adlandırılan cütlüyün bunu öyrənməsinin də maraqlı tarixçəsi var. İllərdir ki, anası ilə görüşməyən Ceyms xanımının israrı ilə anasını arayıb. Anasının ondan sevgilisinin ailəsi və nə işlə məşğul olması barədə soruşan zaman isə gerçəklik üzə çıxıb.

Məsələ ondadır ki, Ceymsin anası 1980-ci ildə Mauranın atası ilə qısa bir sevgi macərası yaşayıb və bu zaman hamilə qalıb. Bir müddət sonra başqası ilə evlənən qadın Ceymsin atasına uşağın ondan olmadığını söyləyib. Ancaq Ceymsin əsl atası bundan şübhələnib və illərlə oğlunu axtarıb tapdıqdan sonra məhkəməyə üz tutub. Məhkəmə həmin vaxt 5 yaşında olan Ceymsə gerçəyin söylənməsinə qadağa qoyan qərar çıxarıb. Ceyms də atasının kim olduğunu bilməyib və sonradan ögey bacısı ilə evlənib.

DNK testi ilə ataları eyni olduğu təsdiqlənən Ceyms ve Maura şoka düşdüklərini, ancaq uşaqları olduğu üçün ayrılmamağa qərar verdiklərini bildiriblər. Cütlük bu duruma görə insanın kimliyini öyrənməsini əngəlləyən ölkənin mövcud qanunvericilik sistemini lənətləyir.