Bəbir uşağı ananın əlindən alıb parçaladı

Hindistanın Uttaraxand əyalətində bəbir 4 yaşlı uşağı parçalayıb.

Lent.az xarici mediaya istinadla bildirir ki, hadisə mayın 3-də axşam saatlarında Bajeşvar rayonunun Mana Kabra kəndində baş verib.

Ana Nilam Bora uşağını tualetə apararkən yırtıcı kolluqdan tullanaraq azyaşlının onun əlindən qoparıb və dərəyə aparıb.

Kənd muxtarı Cyoti Boranın sözlərinə görə, xilasetmə əməliyyatları dərhal başlayıb, lakin səylər nəticəsiz qalıb. Uşağın meyiti evdən təxminən 200 metr aralıda, boyun nahiyəsinin dərin yaraları ilə tapılıb.

Meşə təsərrüfatı idarəsinin nümayəndələri ailənin maddi təminatı və ərazinin təhlükəsizliyinin artırılması üçün prosedura təşəbbüs ediblər. Kəndin ətrafında üç xüsusi tələ qurulub. İdarənin əməkdaşı Dhruv Sinq Martoliyanın sözlərinə görə, baş müfəttişdən təhlükəli yırtıcını evtanaziya etmək üçün rəsmi icazə alınıb.