Gələcək Partiyasının lideri Əhməd Davudoğlu çıxışında prezident idarəetmə sistemini tənqid edib.
Lent.az Türkiyə mediasına istinadən xəbər verir ki, onun sözlərinə görə, keçmiş nazirlər şirkətlərin idarə heyətinin üzvü olurlar.
“Keçmiş nəqliyyat naziri gedib başqa bir şirkətin danışıqlar apardığı konsorsiumun rəhbərliyinə qoşulur. Bu, inanılmazdır. Bu nazir niyə bunu qəbul edir? Sizcə, mən çox təklif almıram? Açığı, maliyyə çətinlikləri yaşayıram".
Baş nazir kimi xarici qonaqları qəbul etdiyini bildirən Davudoğlu, bunun ona maddi cəhətdən təzyiq göstərdiyini qeyd edib: "Sizcə, mənə çox təklif gəlmir? Açığı, maddi çətinliklər yaşayıram. Həyat yoldaşımla ikimiz də işləyirik. Keçmiş baş nazir kimi təmsilçilik baxımından çətinlik çəkmirəm. Baş nazir kimi xarici qonaqları qəbul etməlisən. Mənə təzyiq göstərən şeylər var. Bunu şikayət etmək üçün demirəm. Biz özümüz idarə edirik, amma dövlətin nüfuzu baxımından, keçmiş nazirlər bu dolanışıq üçün şirkətlərlə işləməyə başlasalar, dövlətin nüfuzuna xələl gələcək".
Davudoğlu beynəlxalq təşkilatlardan da məsləhət təklifləri aldığını, lakin onları qəbul etmədiyini bildirib. "Xalqımız bu vəziyyətdə olduğu müddətdə iqtisadi çətinliklərdən danışa bilmərəm. Mən bir şirkətin məsləhətçisi ola bilmərəm; bu, dövlətin ənənəsidir", - o deyib.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
