Bakıda dənizdə batan gənc “Krosna” qrupunun solisti olub - YENİLƏNİB

Dünən dənizdə batan Seymur Allahverdiyev “Krosna” qrupunun solisti olub.

Lent.az xəbər verir ki, bu barədə tanınmış bloqer Ləman Rüstəmi paylaşım edib.

***

11 avqust, saat 09:12

Bakıda kişi dənizdə batıb.

Fövqəladə Hallar Nazirliyindən Lent.az-a bildirilib ki, hadisə Xəzər rayonu, Buzovna qəsəbəsində, ən yaxın sularda xilasetmə məntəqəsindən 2 km aralı dənizdə nəzarətsiz ərazidə qeydə alınıb.

Nazirliyin “112" qaynar telefon xəttinə 1 nəfərin meyitinin aşkarlanması ilə bağlı məlumat daxil olub.

Bildirilib ki, məlumatla əlaqədar dərhal FHN-in Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-xilasediciləri axtarışlara cəlb olunub.

Dalğıclar tərəfindən 30 yaşlı Allahverdiyev Seymur Sadiq oğlunun meyiti sudan çıxarılaraq aidiyyəti üzrə təhvil verilib.