Tramp-Netanyahu görüşü, İrana hücumdan sonrakı gün atılacaq addımların əlaqələndirilməsi və Xamenei rejiminin devrilməsi ilə bağlı ola bilər.
Lent.az bildirir ki, “Newsmax” da daxil olmaqla, Amerikanın mühafizəkar mediası ABŞ prezidenti Donald Tramp və İsrailin baş naziri Benyamin Netanyahu arasında keçirilən son görüşün İrana hücumun qarşısını almaqla deyil, Tehran rejiminin mümkün devrilməsindən sonra hərəkətlərin əlaqələndirilməsi ilə bağlı olduğunu iddia edib.
Bu qiymətləndirmələrə görə, zərbənin özü faktiki olaraq qaçılmaz hesab olunur və müzakirə əməliyyatın başlamasından sonrakı gün strateji nəticələrə və rolların bölüşdürülməsinə yönəlib.
Netanyahunun Vaşinqtona səfəri görünməmiş gizliliklə müşayiət olunub. Səfər gözlənilmədən elan edilib və görüşün formatı iki liderin əvvəlki əlaqələrindən fərqli olub. Baş nazir ictimai hissə olmadan gəlib, mətbuat konfransları keçirməyib və üç saatlıq danışıqlardab nə rəsmi fotoşəkillər, nə də video materiallar yayımlanıb. İnternetdə görünən yeganə əl sıxma şəkli qeyri-rəsmi görünüb.
Danışıqların məzmunu da gizli saxlanılıb. Mənbələrə görə, görüşdən əvvəl və sonra baş nazir hökumət üzvləri də daxil olmaqla, məlumatlı şəxslərin dairəsini minimuma endirib. Analitiklər qeyd edirlər ki, belə ciddi təcrid, hətta böyük hərbi əməliyyatlardan əvvəl belə, olduqca nadir hallarda baş verib.
Ekspertlər iki versiyanı müzakirə edirlər. Birincisi, ABŞ və İsrailin İranla potensial diplomatik razılaşma üzərində fikir ayrılığı olduğunu göstərir. Bu məntiqə görə, istənilən razılaşma Tehrana vaxt udmasına imkan verə, sanksiyaların aradan qaldırılmasını təmin edə və potensial olaraq nüvə və raket proqramlarını bərpa edə bilər.
İkinci versiya Vaşinqton və Qüds arasında yüksək dərəcədə koordinasiyaya işarə edir. Bu qiymətləndirməyə görə, diplomatiyanın prioriteti ilə bağlı ictimai ritorika daha geniş təzyiq strategiyasının bir hissəsi ola bilər, qapalı qapılar arxasında isə konkret fəaliyyət planları və kəşfiyyat məlumatlarının paylaşılması müzakirə olunur.
Görüşdən sonra Tramp diplomatiyanın üstünlük verilən yol olaraq qaldığını bildirib. Bununla belə, İsrail siyasi dairələri iki liderin münasibətlərində bir neçə gözlənilməz dönüş olduğunu və qəti nəticələr çıxarmaq üçün hələ tez olduğunu qeyd edir.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
