Moskvanın cənub-qərbində yaşayış binasında baş vermiş partlayış nəticəsində iki nəfər ölüb.
Lent.az xəbər verir ki, hüquq-mühafizə orqanları ən az iki nəfərin öldüyünü açıqlayıb.
Bundan başqa hadisə nəticəsində azı 15 nəfərin də yaralandığı bildirilir.
Güclü partlayış nəticəsində, mərtəbələr arasındakı hissəyə ciddi ziyan dəyib və binanın girişinin tamamilə uçmaq təhlükəsi var.
***
22:35
Moskvanın General Tyulenev küçəsində yerləşən çoxmərtəbəli binada partlayış baş verib.
Lent.az APA-ya istinadən xəbər verir ki, bu barədə yerli “Telegram” kanalları məlumat yayıb.
Bildirilib ki, partlayış güclü yanğına səbəb olub. İlkin məlumata görə, 10-dan çox insan xəsarət alıb. Hadisə yerinə bir neçə təcili yardım briqadası göndərilib.
Rusiya Fövqəladə Hallar Nazirliyindən verilən məlumata görə, General Tyulenev küçəsində yaşayış binasının 9-cu mərtəbəsi yanır.
Partlayışdan sonra üst mərtəbədə yanğın baş verib. Yanğınsöndürmə və xilasetmə bölmələri insanları xilas edir, yanğının mənbəyini müəyyənləşdirir.
Partlayışın ilkin səbəbinin qaz sızması olduğu ehtimal olunur.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
