Müdafiə naziri əmr imzaladı - Bu şəxslər ordudan qovulacaq

ABŞ müdafiə naziri Pit Heqset 6 iyun tarixindən etibarən ordu sıralarını könüllü şəkildə tərk etməyən transgender hərbçilərin ordudan çıxarılmasına başlanılmasını əmr edib.

APA xəbər verir ki, bu haqda mənbələrə istinadən “Reuters” məlumat yayıb.

Agentliyin məlumatına görə, Heqsetin əmrinə əsasən aktiv xidmətdə olan transgender hərbçilər 6 iyuna qədər könüllü şəkildə ordudan ayrılmaqla bağlı qəbul edə bilər.

Agentlik həmçinin qeyd edib ki, ABŞ Müdafiə Nazirliyi bu məsələ ilə bağlı agentliyin sorğusuna cavab verməyib.

Xatırladaq ki, ABŞ Ali Məhkəməsi ötən çərşənbə axşamı Donald Tramp administrasiyasının transgenderlərin hərbi xidmətdə olmasına qoyduğu qadağanın qüvvəyə minməsinə icazə verib.