Rusiyada 20 ildə ilk dəfə:  Qətllərin sayı  artıb
28 mart 2023 18:23 (UTC +04:00)

Rusiyada 20 ildə ilk dəfə: Qətllərin sayı artıb

Ötən il Rusiyada son 20 ildə ilk dəfə adam öldürmə və adam öldürməyə cəhd hallarının sayı artıb.

Lent.az məlumatına görə, “Kommersant” “Travmpunkt” hüquq firmasının hesabatına istinadən yazır ki, 2022-ci ilə qədər Baş Prokurorluğun statistikası qətl və cəhdlərin “davamlı azaldığını” göstərib: 2002-ci ildəki 32265 işdən 2021-ci ildə 7332-yə qədər. Lakin 2022-ci ildə belə halların sayı 4 faiz artaraq 7628-ə çatıb.

“Silahlı münaqişələrdə iştirak edən ölkələrdə zorakılığın artım nümunələri” adlı hesabatın müəllifləri Rusiyanın müharibə apardığı Ukrayna ilə həmsərhəd bölgələrdə qətllərin və adam öldürməyə cəhdlərin sayının xeyli artdığını qeyd edirlər.

Qətllərin sayına görə Ukrayna ilə sərhəd bölgələr liderlik edir. Belqorod vilayətində qeydə alınmış qətl və cəhdlərin sayı 2021-ci illə müqayisədə 52-dən 102-yə, Kursk vilayətində isə 58-dən 89-a yüksəlib. Artım Moskvada da 269-dan 413-ə çatıb.


 

1 2 3 4 5 İDMAN XƏBƏRLƏRİ
# 1215
avatar

Oxşar yazılar