Türkiyədə hakim partiyanın üzvü, onun oğlu və qardaşı güllələndi

Türkiyənin Batman vilayətində hakim Ədalət və İnkişaf Partiyasının (AK Parti) rayon təşkilatının sədri Mehmet Direk, onun oğlu və qardaşı oğlu silahlı hücum nəticəsində öldürülüb.

Lent.az xəbər verir ki, bu barədə "Cumhuriyet" qəzeti məlumat yayıb.

Hadisə vilayətin Güneykent rayonunda qəbiristanlıqda baş verib. Naməlum şəxs və ya şəxslər Mehmet Direk, oğlu Erkan Direk və qardaşı oğlu Əbu Bəkr Direkə atəş açıblar. Nəticədə hər üç şəxs həyatını itirib.

Hadisə yerinə polis qüvvələri cəlb olunub, ərazi nəzarətə götürülüb və şübhəlilərin saxlanılması istiqamətində əməliyyata başlanılıb.