Bir çoxumuz paltaryuyan maşını tam doldurub “tez yuma” düyməsini basmağı sevirik ki, geyimləri cəmi 15-40 dəqiqəyə təzələyək. Lakin mütəxəssislər xəbərdarlıq edir: bu rejim ən yanıltıcı proqramlardan biridir. Meri Qalyardi bildirir ki, sürətə üstünlük verərkən biz çox vaxt yalnız “təmizlik illüziyası” əldə edirik.
Lent.az xəbər verir ki, mütəxəssis qısa proqramın niyə bakteriyaları aradan qaldırmadığını, hansı geyimlər üçün uyğun olmadığını və düzgün rejimi necə seçmək lazım olduğunu izah edib.
“Tez yuma” rejimi maşın üzərində adətən “Express”, “Quick” kimi göstərilir. Su temperaturu adətən 30-40 °C olur və yuma 15-40 dəqiqə davam edir. Mütəxəssisin sözlərinə görə, bu qısa proqram aralıq sıxma mərhələlərinin bir hissəsini keçdiyi üçün yuma effektivliyi azalır. Bu səbəbdən güclü çirklənmiş paltarlar üçün uyğun deyil. Bu rejim yalnız çox çirkli olmayan əşyalar üçün idealdır. Məsələn, qonaq dəsmalları və ya cəmi bir gecə istifadə olunmuş yataq dəstləri üçün uyğundur. Belə halda həm vaxta, həm yuyucu vasitəyə, həm də enerjiyə qənaət etmiş olursunuz. Lakin əksər geyimlər, siz hiss etməsəniz belə, kifayət qədər çirkli olur. Buna görə də onları adi və ya intensiv proqramda yumaq tövsiyə olunur. Xüsusilə də ləkələr varsa, əlavə olaraq ləkəçıxarıcı, ağardıcı və ya dezinfeksiyaedici vasitə istifadə etmək lazımdır.
Əgər sadəcə çirkli köynəyi maşına atıb “tez yuma” seçsəniz, istədiyiniz nəticəni əldə etməyəcəksiniz. Qalyardinin sözlərinə görə, yüklənmənin miqdarından çox, çirklənmə dərəcəsi vacibdir. Sürətli yuma üçün daha tez həll olan gel və ya kapsul yuyucu vasitələr seçmək məsləhətdir. Ümumiyyətlə isə isti və ya ilıq su daha effektivdir, çünki yüksək temperatur kir, yağ və təri daha yaxşı təmizləyir. Həmçinin maşını həddindən artıq doldurmaqdan çəkinin. Ağ geyimlərin ilk günkü kimi ağ qalması üçün düzgün yuma üsullarını bilmək də vacibdir. Mütəxəssislər yuma və qurutma zamanı edilən ən yayılmış 5 səhvi açıqlayıblar. Bu məsləhətlərə limon suyu və sirkədən istifadə də daxildir.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
