Ev təmizliyi mövzusunda nənələrin təcrübəsi həqiqətən əvəzolunmazdır. Məhz buna görə onların məsləhətləri nəsildən-nəslə ötürülür.
Lent.az bu təsirli 7 məsləhəti təqdim edir:
Meyvə və tərəvəzləri yalnız su ilə yumayın
Təmizlik şirkətinin meneceri Elizabet Şilds bildirib ki, nənəsi ona məhsulları qaba qoymağı, üzərinə qida sodası səpməyi və 5-10 dəqiqə suda saxlamağı öyrədib.
“Görəcəksiniz ki, kir və çirklər suyun üzərinə çıxır. Sonra isə meyvə və tərəvəzləri soyuq su ilə yaxşıca yumaq kifayətdir”, - o məsləhət verib.
Paltaryuyarkən sodadan istifadə edin
Soda yalnız məhsulların yuyulması üçün deyil, paltaryuma üçün də faydalıdır. Təmizlik üzrə ekspert Marianna Hofer bildirib ki, onun nənəsi heç vaxt yalnız yuyucu tozdan istifadə etməzdi.
“Bir az soda və ağardıcı əlavə etmək ağ paltarların və yataq dəstlərinin daha parlaq görünməsinə kömək edir. Mən hələ də bu üsuldan istifadə edirəm və hər dəfə nəticə verir”, - o bildirib.
Köhnə paltarları atmayın, təmizlik üçün istifadə edin
Nənələr köhnə paltarları tullamaq əvəzinə, onları təmizlik üçün bez kimi istifadə etməyi tövsiyə edirdi.
“Onlar masa səthlərini silmək, toz almaq və hətta qab-qacaq qurulamaq üçün idealdır”, - ekspert qeyd edib.
Bu bezlər çox köhnəldikdə isə onları rahatlıqla atmaq olar.
Döşəməni isti su ilə yuyun
Hoferin sözlərinə görə, onun nənəsi həmişə döşəməni isti su ilə yumağın daha effektiv olduğunu düşünürdü.
“İsti su çirki daha yaxşı təmizləyir və döşəmə daha təmiz görünür. O, həmişə kiçik hissələrlə işləyirdi ki, suyu tez-tez dəyişə bilsin”, - o əlavə edib.
Qabları dərhal yumaq məcburi deyil
Əgər qab yumağı sevmirsinizsə, onları dərhal yumaq məcburi deyil.
“Sadəcə qabları suda saxlayın və ya qazanları su ilə doldurun. Sonra yumaq daha asan olacaq”, - Şilds əlavə edib.
Paltarları günəşli havada yuyun
Yataq dəstləri və dəsmalları günəşli havada yumaq və qurutmaq tövsiyə olunur.
“Onları günəşdə qurudun ki, təbii və təravətli qoxu əldə edəsiniz. Bu qoxunu heç bir vasitə ilə əldə etmək mümkün deyil”, - ekspert qeyd edib.
Şkafda xoş qoxu yaradın
Hofer bildirib ki, onun nənəsi qatlanmış paltarların arasına ətirli salfetlər qoyardı.
“Əgər paltar xoş qoxursa, deməli ona düzgün qulluq edilib. Mən də indi eyni üsuldan istifadə edirəm və bu, şkafdakı ağır qoxunu aradan qaldırır”, - o vurğulayıb.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
