Evdə ümumi təmizlik edən hər kəs bu vəziyyətlə qarşılaşıb, döşəmələr parlayır, lakin bir neçə saatdan sonra üzərində yenidən toz görünür. Sanki ev insanın bütün səylərinə baxmayaraq öz qanunları ilə yaşayır.
Lent.az xarici mediaya istinadən xəbər verir ki, peşəkar təmizlikçilərin sözlərinə görə, problemin səbəbi təmizliyin keyfiyyəti deyil, daha çox onun hansı vaxtda aparılmasıdır.
Onların sözlərinə görə, düzgün vaxt seçimi bəzən ən bahalı təmizləyici vasitələrdən də daha effektli olur.
Mütəxəssislər izah edirlər ki, toz hissəcikləri ən çox səhər saatlarında havaya qalxır. Günəş şüaları və radiatorlardan gələn isti hava axınları otaqda hərəkət yaradaraq mikroskopik toz hissəciklərini yuxarı qaldırır.
Bu səbəbdən səhər döşəmələri yumaq uzunmüddətli nəticə vermir. Bir neçə saat sonra havadakı toz yenidən döşəmənin üzərinə çökür.
Ekspertlərin fikrincə, döşəmə təmizliyi üçün ən uyğun vaxt axşam saatlarıdır. Günün bu vaxtında hava daha sabit olur və toz hissəciklərinin hərəkəti minimuma enir.
Təmizlik mütəxəssisləri bildirirlər ki, axşam aparılan nəm təmizlik daha uzun müddət effektini saxlayır. Çünki bu zaman toz yenidən havaya qalxmağa imkan tapmır.
Bundan əlavə, axşam saatlarında evdə hava cərəyanı da daha az olur. Halbuki külək və cərəyan tozun otaqda yayılmasına ciddi təsir göstərir.
Bir çox evdar qadın səhər oyananda döşəmələrin daha təmiz göründüyünü qeyd edir. Bu isə gecə saatlarında havanın demək olar ki, hərəkətsiz olması ilə izah olunur.
Əgər evdə ev heyvanları varsa, axşam təmizliyi daha da faydalıdır. Bu zaman tüklər və yüngül liflər otaq boyu daha az yayılır.
Mütəxəssislər döşəmələri yumazdan əvvəl havanı bir qədər nəmləndirməyi də tövsiyə edirlər. Bu, tozun tez çökməsinə və təmizliyin daha asan aparılmasına kömək edir.
Çox quru hava isə təmizliyin effektini azalda bilər. Belə şəraitdə toz hətta yüngül addım səslərindən belə yenidən havaya qalxır.
Axşam saatlarında isə havanın rütubət səviyyəsi adətən gündüzə nisbətən daha yüksək olur. Bu da təmizliyin daha effektiv olmasına kömək edir.
Bəzi insanlar əlavə olaraq hava təmizləyici cihazlardan istifadə edir. Bu cihazlar otaqdakı toz miqdarını azaldaraq təmizliyin nəticəsini daha uzun müddət qorumağa kömək edir.
Lakin xüsusi texnika olmasa belə, sadəcə düzgün vaxt seçimi belə böyük fərq yarada bilər. Axşam saatlarında aparılan təmizlik sayəsində döşəmələr daha uzun müddət təmiz qalır və ev daha səliqəli görünür.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
