Biz adətən hamam otağını evin ən çirkli yeri hesab edir və sanitar avadanlıqların dezinfeksiyasına xüsusi diqqət ayırırıq. Lakin hər gün saatlarla təmasda olduğumuz bir əşya çox vaxt təmizlik zamanı diqqətdən kənarda qalır. Söhbət kompüter klaviaturasından gedir. Mütəxəssislərin fikrincə, bu cihaz ən azı həftədə bir dəfə təmizlənməlidir.
Lent.az xarici mediaya istinadla xəbər verir ki, Avstraliyada fəaliyyət göstərən “Swinburne University of Technology” tədqiqatçıları kompüter texnikasının mikroflorasını geniş şəkildə analiz ediblər.
Nəticələr kifayət qədər diqqətçəkici olub. Müəllimlərin şəxsi kompüterlərinin klaviaturalarında və auditoriyalarda istifadə olunan ümumi kompüterlərdə çox sayda mikroorqanizm aşkar edilib. Gözlənildiyi kimi, ictimai istifadə üçün nəzərdə tutulan cihazlar daha çirkli çıxıb.
Araşdırma göstərib ki, orta statistik iş masasında unitaz oturacağı ilə müqayisədə 400 dəfə daha çox bakteriya ola bilər. Tibb müəssisələrində isə vəziyyət daha risklidir: bəzi potensial təhlükəli bakteriyalar klaviaturaların plastik səthlərində 24 saata qədər yaşaya bilir və bu da sağlamlıq üçün gizli təhlükə yaradır.
Klaviaturanı necə düzgün təmizləmək olar
İş yerinizi təmiz saxlamaq və texnikaya zərər verməmək üçün düzgün üsullardan istifadə etmək vacibdir:
Təmizləyici gel – düymələr arasındakı çətin əlçatan yerlərdəki çirki effektiv şəkildə toplayır.
Xüsusi salfetlər – yağ izlərini təmizləmək və səthi dezinfeksiya etmək üçün istifadə olunur.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
