Türkiyədə azərbaycanlı qadına 33 bıçaq zərbəsi

Türkiyənin Kacaeli bölgəsinin Gölcük rayonunda Azərbaycan əsilli Nəzakət Cumalıoğlu adlı qadın bıçaqlanıb.

Lent.az-ın “internethaber.com” saytına istinadən verdiyi məlumata görə, Nəzakət Cumalıoğlunu eyni evdə nikahsız yaşadığı Mehmet A. adlı şəxs yaralayıb. Mehmet A. və Nəzakət Cumalıoğlu arasında hələlik bilinməyən səbəbdən mübahisə başlayıb. Nəzakəti 33 yerindən bıçaqlayan Mehmet A. daha sonra 6 yaşlı qızını da götürərək evdən qaçıb. Ağır vəziyyətdə olan Nəzakət Cumalıoğlu isə Gölcük Dövlət Xəstəxanasına aparılıb.

Polis Mehmet A.-nı yaxalayıb. Araşdırma aparılır.