Qubanın daha bir kəndində sürüşmə baş verib
15 may 2010 18:00 (UTC +04:00)

Qubanın daha bir kəndində sürüşmə baş verib

6 ev qəzalı vəziyyətə düşüb

Qubanın Çiçi kəndində də sürüşmə baş verib. Sürüşmə 6 ha ərazini əhatə edir. Sürüşmə zonasında 16 ev var. Onlardan 6-sı qəzalı vəziyyətə düşüb. Çiçi-Səbətlər bələdiyyəsinin sədri Arif Ömərovun Lent.az-ın bölgə müxbirinə verdiyi məlumata görə, həmin evlərdə yaşayan 2 ailə qohumlarının evlərinə köçürülüb: “Digər 4 evin divarlarında da çatlar əmələ gəlib. Həmin evlərdə yaşamaq təhlükəlidir”.

Bələdiyyə sədrinin sözlərinə görə, təbii fəlakət kəndin bir məhəlləsini əhatə edir. Sürüşmə zonasında 16 yaşayış evindən başqa kənd orta məktəbi də yerləşir. Arif Ömərov müvafiq qurumlarının əraziyə baxış keçirdiklərini deyib.

Hələlik kənddə sürüşmə prosesi dayanıb.
1 2 3 4 5 İDMAN XƏBƏRLƏRİ
# 551

Oxşar yazılar