“Range Rover”-dən 140 min manat oğurlayanlar tutuldu

Bakıda avtomobildən 100 min dollar və 60 min manat oğurlayan şəxslər yaxalanıb.

Bu barədə Lent.az-a Bakı Şəhər Baş Polis İdarəsindən məlumat verilib. Bildirilib ki, aprelin 7-də Bakı şəhər sakini Qüdrət Şükürov Nizami RPİ 23-cü PB-yə ərizə ilə müraciət edərək ona məxsus olan “Range Rover” markalı maşından şüşəni sındırmaq yolu ilə 100 min ABŞ dolları və 60 min manat oğurlanıb. Bakı şəhər BPİ Cinayət Axtarış İdarəsinin əməkdaşları keçirdiyi əməliyyat tədbirləri nəticəsində oğurluqda şübhəli bilinənlər Muxtar Məmmədov, əvvəllər məhkum olunan Elmir Sadıqov, Anar Quliyev və Rövşən Rüstəmov tutulublar.

Aparılan araşdırmalar nəticəsində E.Sadıqovdan AKM və AKSU markalı avtomatlar, səsboğucusu ilə birlikdə Bereta markalı tapança, 3 ədəd sandıqçası ilə birlikdə 77 ədəd patron, 1 ədəd tapança patronu, 51600 ABŞ dolları və 20600 manat aşkar olunub. A.Quliyevdən 0,216 qram, R.Rüstəmovdan isə 0,212 narkotik vasitə olan heroin aşkarlanıb.

Fərid Əkbərov